Islamabad, Rymphang:
Katkum ki khubor, la ong ba ha ka sien ‘nyngkong eh, ka Pakistan bad ka Bangladesh, ki la sdang biang ïa ka khaii pateng kaba beit hadien ba ki la ïakhlad lok noh ha u snem 1971, ha kaba ki mar ba nyngkong eh, kiba la mynjur da ka sorkar jong kitei ki arliang ri ki la mih na ka Qasim. Ia kane ka jingiateh la pynkut noh ha kaba sdang jong u bnai Rymphang ha kaba ka Bangladesh ka la mynjur ban thied ia 50 hajar Ton u khaw na ka Pakistan lyngba ka Trading Corpora-tion of Pakistan (TCP).
Ka East Pakistan ka la iakhlad noh na ka Pakistan ha u snem 1971 ban thaw ia ka jylla laitluid ba thymmai jong ka Bangladesh.
Kumta la ong ba kane ka jingiashalan mar, ka la long ka sien ba nyngkong eh ba la ioh ban bteng biang ia ka jingiadei ha ka khaii- pateng hapdeng kine ki arliang mamla kaba la dkut noh ha u snem 1971.
Hapoh ka jingiateh ba la pynkut ha kaba sdang jong u bnai Rymphang, ka Bangladesh ka thmu ban wanrah 50,000 Ton u khaw na Pakistan lyngba ka Trading Corporation of Pakistan (TCP). Ia kane ka jingshalan yn pyndep ha ki ar bynta, bad ia kaba sah 25,000 ton yn phah ha kaba sdang jong u bnai Risaw.
Ia kane ka jingpynroi la iohi kum ka sienjam kaba bha tam ban kyntiew ia ka jingiatreilang ha ka ioh- ka kot bad ban plie biang ia ki lad khaii pateng kiba la sahkut da ki phew snem hapdeng jong kitei ki arliang ri.
