Nongstoiñ, Rymphang 25
Ka lympung ïalehkai phutbol ba la pynlong da ka Nongstoiñ District Sports Association ba la tip ruh kum ka NDSA Premier League Football Tournament 2024-25 ka la nangjam shakhmat ha ka Sngi Ba-ar.
Ha ka jingïalehkai jong ka Second Division, ka Dommawleiñ bad ka Mawthaw ki la ïoh rung sha ka final mynta ka samoi.
Ka jinglah ban pynthikna ka Dommawleiñ ka la wan hadien ba ka la lah ban pynliem noh ïa ka Tiehsyniangoiñda 1-0 kol ha ka jingïalehkai semi final kaba la long ha ka Sngi Ba-ar ha madan New Nongstoiñ.
Shuh shuh ka jingïoh rung ka kynhun ïalehkai jong ka Mawthaw ka la wan hadien ba ka la lah ban pynliem noh da 3-0 kol ïa ka Iewnongma kaba la long ha kajuh hi ka sngi.
Na ka liang ka Football Committee jong ka NDSA ka la pyntip ba ka jingïalehkai final jong ka Second Division hapdeng ka Dommawleiñ pyrshah ïa ka Mawthaw kan long ha ka 1 tarik u Lber (sngi Saitjaiñ) ha ka por 2 baje nohphai sngi ha madan New Nongstoiñ.
Shuh shuh ka la pyntip ruh ba ka jingïalehkai semi final jong ka Third Division kan long ha ka Sngi Balang (26 tarik) ha madan New Nongstoiñ ha ka por 12.10 mynsngi hapdeng ka Mawthawniaw pyrshah ïa ka Upper Marskuin, nangta ha ka por 2 baje nohphai sngi ka Nongrim Mawkhar ïa ka Sohparu.
