Shillong, Rymphang 26
Ka jingangnud ka Shil-long Lajong FC ban jam sha ka kyrdan ba lai ha ka I-League ka la pulom noh hadien ba ka la shah rem noh ha ka Sporting Club Bengaluru da 2-0 kol ha ka Sngi Balang ha Bangalore Football Stadium.
Kane ka la wan urlong lyngba u Clarence Savio Fernandes (24′) bad u Jordan Lamela Garrido (49′) na ka bynta ban pynlong ïa ka SCB ban dang ïai sah ha ka kyrdan shiphew ryngkat 17 poiñ na 16 sien ïakhun. Hynrei kane ka kynhun ka la duh noh ïa uwei na ki rangïalehkai, u Faslurahaman Methukayil (90+9′) uba la shah sei red card shwa ban wai ka jingïakhun.
Te kumta kane ka jingshah rem ka la pynlong ïa ka Lajong ban dang ïaisah ha ka kyrdan hynriew ryng -kat 23 poiñ.
