Nongstoiñ, Rymphang 27
Ka kynhun ïalehkai jong ka Pyndengrei SCSC ka la khur ïa ka jingjop ha ka Super Division jong ka NDSA Premier League Football Tournament 2024-25 ba pynlong da ka Nongstoiñ District Sports Association, hadien ba ka la lah ban pynliem noh ïa ka Tiehsaw Pengkyllut da 4-1 kol ha ka sngi Palei ha madan New Nongstoiñ.
Kane ka nam jop ka la wan urlong lyngba ka hat-trick ba la khur da u Silvester Thongni hadien ba u la ïoh ban thep ha ka minit kaba 42,84 bad 92 minit lem bad kawei kaba la thep da u Dr. Liverson Ïawphniaw ha ka minit kaba 77. Hynrei ka Tiehsaw Pengkyllut ka la lah ban pynphai kylla lyngba u Nicky Mawsor ha ka minit kaba 61.
Haba phai pat sha ka First Division, ka kynhun ïalehkai jong ka Sapki West FC ka la noh ïa ka Ramsngiwar SC da 2-1 kol ha madan New Nongstoiñ.
