Shillong, Rymphang:
Ka Toyota Kirloskar Motor ka pynbna ba la sdang ïa ka jingpyllait Booking na ka bynta ka kali Land Cruiser 300, ka kali kaba i shongkhia, kaba khlaiñ bad kaba skhem ban pyndonkam.
La shna ïa kane ka kali halor ka nam kaba la ïoh la palat 70 snem, ka Land Cruiser 300 kadei ka kali kaba pyni shisha ïa ka jingtbit ka Toyota ha ka liang ka Engineering, ïa kaba la saiñdur ban pynurlong ïa ka jingdonkam jong kito kiba kwah ban ñiah ïa ka kali rem bad kiba hap ban ïaid ha ki lynti kiba khohruh-khohram.
La tip ïa kane ka kali kum ka kali kaba la tam ïa kiwei ha ka jinglah ban shaniah, ka jingitynnad jong ka bad ka jinglah ban treikam bha, ka Land Cruiser 300 ka dei ka kali ba shna kyrpang ha ka thup SUV jong ka Toyota ha kylleng ki ri ka pyrthei.
Kane ka kali kaba dang thymmai kaba la shna pynbha ka long kaba la wanrah ka jingkylla ïa ka rynsan kali, kaba khlaiñ bha, kaba shngaiñ, bad kaba itynnad bha ha ki bynta ba shapor, ban pyntikna ba kan long kaba i rem, kaba khlaiñ bad kaba lah ban ïaid ha ki jaka khohruh-khohram.
Haba pynpaw ïa ka jingsngew jong u, u Varinder Wadhwa, Vice President ka Sales- Service -Used Car Business of Toyota Kirloskar Motor, u ong, ” Ngi sngew shngaiñ ba ka Land Cruiser 300 kan tam wat ïa ka jingangnud jong ki nongthied, bad kaba kyntiew ïa ka nam jong ka bad ka kali kaba la shna ha ki buit stad thymmai bad kyrpang, bad pynlong shisha ïa kane ka kali kaba bha tam napdeng ki kali SUV.”
