Shillong, Rymphang 28
Ka Triumphant Institute of Management Education Pvt Ltd (TIME) ka dei ka jaka ai jinghikai ba pawnam ha ki kamra klas na ka bynta ki samla kiba ïakhun ïa ki eksamin bapher-bapher kum ka CAT, MAT, GATE, Bank PO, CWE-Clerical, SSC, CUET, Campus Recruitment Training, GRE, GMAT, CSAT-2 (Civil Service Prelims), APSC, MPSC, CLAT bad IPM kaba la seng ha u snem 1992.
Ka T.I.M.E. ka don 200 tylli tam ki centre ai jinghikai ha ka Ri India ha ki nongbah bapher-bapher bad ka don ïa ki centre jong ka ha Guwahati, Shillong, Jorhat, Silchar bad Hojai.
Haba kren sha ki lad pathai khubor ha ka 28 tarik u Rymphang, 2025, u Soumen Das uba dei u samla pule barim jong ka IIT Guwahati bad IIM Lucknow bad kum Director ka T.I.M.E, u la pynpaw ïa ka jingkmen, da kaba ong ba kum ka shlem ai jinghikai ka don ïa ka thong ban wad ïa ki sap na ki distrik bad ban ai ïa ki ka jingpynkhreh national level ha Shillong bad kumta ban thaw ïa ki jingmih na Meghalaya.
Ha ka jingpyrshang ba nyngkong eh ban pynkupbor ïa ki samla jong ka thaiñ, ka T.I.M.E. Coaching Institute ka la sdang ïa ka IIMPreNEUR Program kaba dei ka jingthmu ban thaw ïa ki samla kiba la pyndep ïa ka IIM, ban kyntiew ka jingjied ïa ki samla ha ki kam sorkar bapher bapher bad ban kyntiew ïa ka seng kam seng jam ha ki thaiñ shatei lam mihngi ka Ri na ka bynta ban kyntiew ïa ka jinglah ban ïoh kam jong ki samla.
U Das u la ong ba lait na ki samla pule ba la shah jied, lada don kino-kino kiba kwah ban ïashim bynta ha katei ka course ha ryngkat ka scholarship kaba 50%, ki lah ban pynïasoh ïalade da kaba pynrung kyrteng ïalade shwa ka 31 tarik u Lber 2025 na ka bynta ban ïoh ïa ka scholarship bad ki jingai jinghikai, kin sdang naduh ka taïew nyngkong jong u Ïaïong, 2025.
Kino-kino kiba kwah ban pynrung kyrteng ïalade ha kane ka prokram ki lah ban leit mih sha ka ophis jong ka T.I.M.E. Shillong kaba don ha GR complex, Upland Road, Don Bosco Square, Laitumkhrah Shillong lane ban phone sha kine ki nombar: 7002563899/6901767642.
