Shillong, Lber 02
Ka Shillong Lajong kan ïakhun pyrshah ïa ka Gokulam Kerala ha ka lympung ïalehkai I-League mynta ka sngi ka 3 tarik u Lber, 2025. Kane ka jingïalehkai kan sdang ha ka por 7 baje janmiet ha madan EMS Corporation Stadium, Kozhikode.
Ka Lajong ïa mynta ka don ha ka kyrdan ba hynñiew ryngkat 23 poiñ na 16 sien jingïalehkai, katba ka Gokulam Kerala ka don ha ka kyrdan ba san ryngkat 25 poiñ na 16 sien jingïalehkai. Kane ka pynshisha ba ka dei ka jingïakhun ka ban itynnad namar baroh ar tylli ki kynhun kin ïaleh ban ïoh baroh lai tylli ki poiñ.
