Nongstoiñ, Lber 02
Ka Upper Marskuiñ ka la ïoh ban rah ïa ka nam lahduh ha ka 3rd Division bad ka Mawthaw ha ka 2nd Division jong ka lympung ïalehkai NDSA Premier League Football Tournament 2024-25 ïa kaba la pynlong da ka Nongstoiñ District Sports Association.
Ka nam jop jong ka Upper Marskuiñ ka la wan hadien ba ka la lah ban pynliem noh da 5-3 kol ïa ka Nongrimmawkhar SC lyngba ka ‘tie breaker’ hadien ba khaid ha ka jingïalehkai final pyrshah kaba la long ha ka sngi saitjaiñ jong ka taïew ba la dep ha madan New Nongstoiñ.
Kumjuh, ka nam jop jong ka Mawthaw ka wan hadien ba ka la lah ban pynliem noh da 1-0 kol ïa ka Dommawlien SC ha ka jingïalehkai final pyrshah kaba la long ha katei kajuh ka sngi ha madan New Nongstoiñ.
Ha katei ka sngi u Bah Khlanbor Kharbani u la long kum kongsan uba la wan ruh ha ka jaka jong u MDC ka Nongstoiñ u Bah Juristman Iawphniaw ryngkat ka jingïadon lang ki nongkitkam ka NDSA, ki dkhot ka Football Committee bad kiwei-kiwei kiba la sam ruh ïa ki khusnam.
