Shillong, Lber 02
Ka Rangkynsai ka la lah ban pynliem noh pyrshah ïa ka Sputnik CC ha ka jingïakhun jong ka Shillong Cricket League Super Division 2024-25 kaba la long ha ka Sngi U Blei.
Haba phai sha kane jingïakhun ka Rangkynsai ka la jop ïa kynting pisa bad ka la jied ban tied nyngkong. Ka Rangkynsai ka la lah ban tied 260 ron ha ki 42.2 over. U Kishan Lyngdoh u la lam khmat ïa ka jingïalehkai da kaba ïoh 86 run na ki 70 bol, katba u Ajay Duhan u la ïalehkai bha da kaba ïoh 75 run na 65 bol. Hynrei, u Swarajeet Das ‘rang kawang bol ka Sputnik CC u la lah ban lehkai bha da kaba shim 6 wikets /44 run na ki 8.2 over bad u Aditya Singhania 2 wickets /40 run ha ki 9 over.
Ka Sputnik CC ka la hap ban beh ïa ka thong kaba la buh da ka Rangkynsai CC 259 run /9 wicket na ki 45 over. U Gurinder Singh u la lah ban lehkai bha da kaba tied 140 run na 118 tylli ki bol, hynrei u la duna ka jingkyrshan kaba biang na kiwei pat ki nongïalehkai. U Amiangshu u la tied 23 run na 30 bol, hynrei ki nongkawang bol jong ka Rangkynsai ba la lamkhmat da u Ram Gurung u la shim 3 wiket /44 run na ki 9 over bad u Aryan Borah 1 wiket /60 run na ki 9 over. Tad haduh ki ‘over’ ba khatduh ka Rangkynsai ka la pynskhem ïa ka jingjop.
U Ajay Duhan u la lah ban leh bha ha kane ka jingïalehkai ha ka liang ban tied bad kawang bol da kaba ïoh 75 ron bad shim 1 wiket kaba la pynlong ban ïohpdiang ïa ka khusnam ‘Player of the Match’.
