Shillong, Lber 03
Ka lympung ïalehkai Super Division Shillong Cricket League 2024-25 ba la pynïaid da ka Shillong Cricket Association ka la nangjam shaphrang ha kaba ka Sputnik Spartan ka la pynliem noh ïa ka Donkin SCSC da 156 run ha ka Lah Sngi U Blei.
Ha kane ka jingïakhun kaba la long ha madan Polo Shillong, ka Sputnik Spartan ka la kam trai ban tied nyngkong ha kaba ka la ïoh 238 run bad shah pynhap 9 wiket ha ki 45 over. Kane ka la wan urlong lyngba ka jingïalehkai bha u Tarjinder Singh uba la lah ban khyrwit ïa ka shiteng spah kaba 68 run na 64 bol bad u Kalyan Bhattacharjee u la ïoh 22 run na 51 bol. Katba u Rohit Rai u la shim 3 wiket bad 2 wiket na u Md. Muk-sodul Choudhary.
Haba wan beh ïa ka thong ba la buh da ka liang pyrshah, ka Donkin ka la ïoh tang 82 run hadien ba ka la shah pynhap 10 wiket ha ki 24.1 over. U Gavineal Marpna u la tied 16 run na 21 bol bad u Muk-sodul Choudhary u la ïoh 15 run na 21 bol. Katba u Tarjinder Singh u la shim 3 wiket bad 2 wiket na u Lakhan Singh. Ïa ka nam Player of the Match la ïohpdiang da u Tarjinder Singh uba la ïoh 68 run bad shim 3 wiket.
