Shillong, Lber 03
Ka Nangkiew Irat SC ka la jam sha ka kyrdan ba saw ha ka Shillong Pre-mier League 2024 hadien ba ka la lah ban pynliem noh ïa ka Ryntih FC da 6-0 kol ha ka Lah Sngi U Blei ha SSA Stadium kaba ha First Ground, Polo.
Kane ka nam jop ka la wan urlong lyngba u Dame -hun Syih (58′), kumjuh u Shaibor Nongrum (60′, 63′), Wanpynshngaiñ Nong -steng (66′), Khangmiki Pale (78′) bad u Wallam-suk Nongkhlaw (82′).
Lyngba kane ka jingjop ka la pynlong ïa ka Nangkiew Irat ban don 25 poiñ na 17 sien ïakhun, ha kaba ka dangsah sa kawei ka jingïalehkai. Kane ka kynhun ka la tam ïa ka Langsning FC (24 poiñ) kaba la hiar noh sha ka kyrdan basan bad ka Laitkor SC (23 poiñ) kaba dangsah sa ar sien ïakhun, ka la hiar sha ka kyrdan ba hynriew.
Ha kane ka sngi la pynlong ka jingsngap jar kaba shi minit shwa ban sdang ka jingïalehkai kum ka dak ban kynmaw burom ïa u Bah SS Rapthap, Vice-President ka Shillong Sports Association, uba la khlad noh ha ka janmiet Sngi Saitjaiñ. Ka jingleh burom kaba khatduh ïa u kan long ha ka Sngi Ba-ar bad ka SSA ka la rai ban pynkynriah noh ïa ka jingïalehkai kaba la buh sha kawei pat ka tarik.
Ka jingïalehkai ha ka Sngi Balang kan long hapdeng ka Shillong Lajong FC pyrshah ïa ka Rang-dajied United FC ha ka por 3 baje nohphai sngi. Ha ka wat kaba nyngkong kaba la long ha ka 24 tarik u Risaw 2024, ka Lajong ka la jop da 2-1 kol.
