Shillong, Lber 06
Ka Sports Authority of India (SAI), STC, Shillong ryngkat ka jingïasnoh kti lang bad ka tnat ïalehkai jong ka Sorkar Jylla, kin pynlong ïa ka prokram ïalehkai na ka bynta ki kynthei ba la tip kum ka ASMITA City League 2024-2025 ka ban long ha kylleng ki district jong ka Jylla.
Kane ka ASMITA (Achieving Sports Mile-stones by Inspiring Women Through Action) ka dei ka jingthmu hapoh ka Khelo India Scheme, kaba thmu ban kyntiew ïa ki kam ïalehkai hapdeng ki kynthei da kaba ai rynsan na ka bynta jong ki.
Ha East Khasi Hills yn pynlong da ka jingïalehkai Basketball (Open Catego-ry) ha St. Anthony’s HSS, kumjuh ha West Khasi Hills yn pynlong da ka Table Tennis (U-17) ha Anderson HSS kaba ha Indoor Hall Nongstoiñ bad ha East Jaiñtia Hills yn pynlong da ka jingïakop siatkhnam (Junior, Sub-Junior & Senior) ha Rymbai Govt.HSS. Kine lai tylli ki jaka kin pynlong ha ka 8 tarik mynta u bnai.
Ha West Jaiñtia Hills yn pynlong ïa ka Badmin -ton (U-19 & Open Category) ha Kiang Nangbah Govt. College bad ka Athletic (U-20) ha Govt. Boys HSS kaba ha Kiang Nangbah Stadium. Ha Eastern West Khasi Hills yn pynlong ïa ka Football (Open Category) ha St. Thomas HSS, ha South West Khasi Hills yn pynlong da ka Archery (Junior & Sub-Junior) ha Maharam Govt.SS, ha Ri Bhoi yn pynlong da ka Boxing (U-18 & U-21) ha Mynken Christian Cen-tre. Ïa kine baroh yn pynlong ha ka 15 tarik mynta u bnai.
Ha East Garo Hills yn pynlong ïa ka Football (Open Category) ha ka 8 tarik bad ka Boxing (Senior) ha Rongrenggiri Model Deficit SS ha ka 15 tarik mynta u bnai.
Ha West Garo Hills yn pynlong da ka Athletics (U-18) ha Govt. Girls HSS kaba ha Mission Compound Field bad ka Table Tennis (U-17) ha Govt Boys Centre ha ka 15 tarik. Ha South West Garo Hills yn pynlong ïa ka Athletic (U-18) ha Ampati Govt Centre kaba ha Ampati Govt. HSS ha ka 15 tarik. Ha North Garo Hills yn pynlong da ka Athletic (U-18) ha ka 13 tarik ha Resubelpara Girls HSS, katba ha South Garo Hills yn pynlong ïa ka Archery (U-18 & Open Category) ha Baghmara Govt. HSS ha ka 15 tarik mynta u bnai.
