Nongstoiñ, Lber 06
Ka kynhun ïalehkai jong ka Nongstoiñ Football Team ka la ïoh jingjop ha ka Super Division jong ka NDSA Premier League Football Tournament 2025 ba la pynlong da ka Nongstoiñ District Sports Association.
Kane ka nam jop ka la wan urlong hadien ba ka la pynliem ïa ka Upper New Nongstoiñ da 2-1 kol ha ka Sngi Palei ha madan New Nongstoiñ.
Ka jingïakhun ha kane ka sngi ka la long kaba itynnad bad kaba ïakhaid bha, hynrei ka Upper New Nongstoiñ ka la pynkhih jar nyngkong eh lyngba u Klaus Nongbri ha ka minit kaba 18 na ka bynta ban tam shi kol haduh kaba kut jong ka kylla step.
Ki rangïalehkai ka Nongstoiñ FT ki la pyrshang ban ïakhun tyngeh ha ka kylla miet ha kaba ka la lah ban pynphai kylla lyngba u Dadapbor Marweiñ ha ka minit kaba 77 na ka bynta ban ïakhaid mar shi kol. Kane ka kynhun ka la ïoh ban thep biang sa shi kol ha shwa ban wai lyngba u Rishan Khardewsaw ha ka minit kaba 90+2 na ka bynta ban jop shisyndon.
Haba phai pat sha ka jingïalehkai ha ka First Division, ka Mawkhlam SC ka la jop da 4-1 kol ïa ka Mawkhlam.
