Shillong, Lber 07
Ka NorthEast United FC kan pynkhreh ïa ka jingïalehkai kaba khatduh ha kane ka nongbah pyrshah ïa ka East Bengal FC ha ka Indian Super League ha ka por 5 baje janmiet.
Ka NEUFC ka la rung sha ka playoffs da kaba ïoh 35 poiñ na 23 tylli jingïakhun, hadien ba ka la jop khyndai sien bad ïakhaid phra sien. Te kumta kane ka kynhun ka donkam ban ïoh jingjop.
Katba ka East Bengal FC ka don ha ka kyrdan kaba phra ryngkat 28 poiñ bad ka la khmih lynti ban ïalehkai bha pyrshah ïa ka NorthEast United FC, hadien ba ka la shah rem tang shisien na hynriew sien ïakhun.
Lah ban kdew ba ha ka jingïalehkai ba la dep, ka NorthEast United FC ka la lah ban pynliem ïa ka Chennaiyin FC da 3-0 kol.
Te kumta la khmih lynti ba kine baroh ar kynhun kin ïalehkai bha ha kane ka jingïakhun ka ban long ha kane ka nongbah.
