Mawkyrwat, Lber 09
Ka Mawkyrwat District Sports Association (MDSA) ha ryngkat ka shlem treikam u District Sports Officer SWKHD, ha ka sngi Saitjaiñ ka la plie pyrda ïa ka samoi ïalehkai phutbol jong u snem 2024-25 kaba kynthup ïa ka First bad ka Super Division ïa kaba la pynlong ha madan MDSA Artificial Turf, Nonglang SWKHD.
Ha kane ka lympung ki don haduh 12 tylli ki kynhun kiba wan ïashim bynta ha ka First Division, katba ha ka Super Division ki don 8 tylli.
Ha kane ka sngi sdang jong ka First Division, ka Rangjadong ka la ïakhaid mar 2-2 kol bad ka Photjaud, katba ka Nonglang ka la jop da 2-1 kol ïa ka Mawkyrwat.
Haba phai sha ka Super Division, ka jingïakhun hapdeng ka Mawten SC pyrshah ïa ka Mariem SC ki la poi sha ka jingïakhaid hadien ba kim shym la lah ban thep kol haduh kaba kut ka jingïalehkai.
Ïa katei ka lympung la wan ban plie da u Bah Synshar Lyngdoh ha ryngkat ka jingdonlang u Bah H.S Diengdoh, President ka SWKHD Sports Asso-ciation, Bah Y.G Lyngdoh, Working President MDSA, Bah Lying Lyngdoh, Chairman Football Com-mittee MDSA, Bah Khrawkupar Lyngdoh, Football Secretary, Bah Forwardman Nongrem bad kiwei kiwei.
