Shillong, Lber 10
Ka East Khasi Hills Cricket Associa-tion ka la sdang ïa ka lympung ïalehkai kriket na ka bynta ki shakri sorkar ba la tip kum ka Inter Office Cricket League 2025 ha ka Lah Sngi U Blei ha madan Pynshadkhuria kaba ha Saitsohpen, Sohra.
Ha kane ka jingïalehkai, ka Telecom Combine ka la ïoh jingjop hadien ba ka la pynliem noh ïa ka NIT Meghalaya da 9 run. Ka Telecom ka la kam trai ban tied nyngkong ha kaba ka la ïoh 136 run bad shah pynkhyllem 7 wiket ha ki 20 over. U Teibansuk Sohkhlet u la long kum nongtied uba la ïoh bun da kaba ïoh 29 run na 38 bol. Katba u Jefferson Thabah u la shim 3 wiket ha ki 4 over na ka bynta ka NIT Meghalaya.
Haba wan beh ïa ka thong, ka NIT Meghalaya ka la ïoh tang 127 run bad shah pynkhyllem 10 wiket ha ki 19.5 over. U Holding Mewell Surong u la tied 18 run na 22 bol. Ïa ka nam ‘Player to the Match’ la ïohpdiang da u Teibansuk Sohkhlet.
