Shillong, Lber 11
Ka lympung ïalehkai Inter Office Cricket League 2025 ba la pynïaid da ka East Khasi Hills Cricket Association ka la jam shaphrang ha ka sngi kaba ar ha kaba ka MLP Sohra bad ka Combine SHG ki la ïoh jingjop ha ka Sngi Ba-ar.
Ha ka jingïakhun kaba nyngkong, ka MLP Sohra ka la pynliem noh ïa ka PHE Sohra Division da 49 run. Ka MLP Sohra ka la kam trai ban tied nyngkong bad ïoh 199 run na bynta ban duh 6 wiket ha ki 20 over. U Stevenson Syiem u la long u nongtied uba la ïoh bun eh da kaba kamai 58 run na 32 bol. Katba u Heibormi Dhar u la shim 2 wiket ha ki 3 over.
Haba wan beh ïa ka thong, ka PHE Sohra Division ka la ïoh tang 150 run bad shah pynhap 3 wiket ha ki 20 over. U Emerson Nongrud u la khyrwit haduh 98 run na 66 bol. Katba u Gowirak u la shim 1 wiket ha ki 4 over. Ïa ka nam ‘Player of the Match’ la ïohpdiang da u Stevenson Syiem.
Haba phai sha kawei pat ka jingïakhun ba ar, ka Combine SHG ka la jop da 119 run ïa ka Sohra Labour Union. Ka Combine SHG kaba la shimti ban tied nyngkong ka la ïoh 178 run bad shah pynhap 8 wiket ha ki 20 over. U Mebankyrshan Allya u la tied ïa ka shiteng spah kaba 68 run na 48 bol. Katba u Lurshai Wahlang u la shim5 wiket ha ki 4 over.
Haba wan ban beh ïa ka thong ba la buh da ka liang pyshah, ka Sohra Labour Union ka la ïoh tang 59 run bad shah pynhap 10 wiket ha ki 15.3 over. U Donkyrmen Nadon u la tied 20 run na 19 bol. Katba u Sunny Sten u la shim 3 wiket ha ki 2.3 over. Ïa ka nam ‘Player of the Match’ la ïohpdiang da u Sunny Sten.
