Shillong, Lber 11
U Myntri ka tnad ïalehkai ka jylla, Bah Shakliar Warjri u la pynthikna ba yn sa leh ïa ka jingjurip bad ka jingkheiñ jingdiah na ka bynta ki projek ïalehkai bapher bapher kiba hap hapoh ka Mawryngkneng Konstitwensi.
Haba jubab ïa ka jingkylli ba la wanrah da u MLA ka Mawryngkneng, Bah Heavingstone Kharpran ha ka Sngi Ba-ar, u Bah Shakliar u la batai ïa ki jingthmu jong ka tnad na ka bynta kane ka thaiñ, kiba kynthup ïa ka jingsiang madan phlang plastic (artificial turf), ban shna ïa ki kynroh, bad ban shna ïa ki covered gallery ha madan Apkhaw, Sohryngkham Lulong, bad ha Sohryngkham Neng.
Nalor kata, ka tnad ka thmu ban shna ïa ki jingker ha ki madan ïalehkai ha Mawdngong bad Sohryngkham Maw-dieja, bad ban pynïeng ruh ïa ki jingker, ka jingtap tnum, ki jaka ïeng kali, bad ka artificial turf ha madan ïalehkai Mawryngkneng.
