Shillong, Lber 12
Ka Nongthymmai SCC ka la ïoh jingjop ha ka Super Division Shillong Cricket League 2024-25 hadien ba la lah ban pynliem noh ïa ka Khalsa Warriors da 61 run ha ka Sngi Balang ha madan Polo.
Ha kane ka jingïakhun ka Khalsa Warriors kaba la jop ïa kynting pisa, ka la ailad shwa ïa ka Nongthymmai ba kan tied nyngkong ha kaba ka la ïoh 104 run bad shah pynkhyllem 10 wiket ha ki 25.2 over. U Raja lama u la tied 29 run na 24 bol bad u Ranjeet K. Rai u la ïoh 26 run na 35 bol. Katba u MD Siraj Ali ka la shim 3 wiket bad 2 wiket da u Kushaldeep Singh.
Haba wan beh ïa ka thong, ka Khalsa Warriors ka la ïoh tang 43 run bad shah pynhap 10 wiket ha ki 19 over. U Aditya Mahala u la tied 10 run na 24 bol. Katba u Raja Lama u la shim 4 wiket bad 3 wiket da u Sagar Chettri. Ïa ka nam ‘Player of the Match’ la ïohpdiang da u Raja Lama uba la tied 29 run bad shim 4 wiket.
