Jowai, Lber 12
Ka West Jaiñtia District Sports Association (WJD -SA) ka khot bad wer ïa ki klob kiba pynïasoh bad ka synjuk ban pynthymmai ïa ka jinglong dkhot (Renewal of Affiliation) na ka bynta u snem 2025.
Ka bai pynthymmai (Renewal) ka long T. 1000, bad kiba pynïasoh thymmai ryngkat ki kot ki sla kiba biang ka long T. 5000. Ka tarik ban pdiang ka long ha lane shwa ka 31 tarik mynta u bnai sha u General Secretary katei ka synjuk bad ym pdiang shuh ïa kiba wan palat ïa ka tarik ba la buh.
Nalor kata, ka WJDSA ka kyrpad ïa ki klob (Affiliated Club) ban phah 2 ngut ban mihkhmat na ka bynta ka Annual General Meeting da kaba thoh ïa ki kyrteng ha ka Letter Head jong ki klob na ka bynta u snem 2025-2027.
Ka WJDSA ka la pyntip haba ïadei bad ki kam sahteng ha ka liang ka siew ka tda (eg. Yellow/Red Card bad kiwei kiwei ki pending Bill) hap ban siew dep noh. Ïa ki jingtip kiba kham bniah ki lah ban phone ha ki number 9612402753.
