Shillong, Lber 13
Kan dei ka sien kaba nyngkong eh ba ka Meghalaya State Paralympics Associa-tion ka la ïoh ban sei ïa kawei na ki nongïalehkai ba don jingduna dkhotmet, ka samla Prisca Pyngrope ban mihkhmat ïa ka Jylla ha ka 2 Khelo India Para Games 2025 ka ban long ka New Delhi, India ka ban sdang naduh 20 haduh 27 tarik mynta u bnai.
Kane ka samla kan ïashim bynta ha ka athletics ha ka jingïalehkai Shotput.
Te kumta na ka liang katei ka synjuk ka la ai khublei kitbok kitrwiang ïa kane ka samla ba kan ïalehkai bha ha katei ka lympung. Kane ka synjuk ka la khublei ruh ïa u Symbud Myntri Rangbah u Bah Prestone Tynsong uba la ai ka jingkyrkhu kyrdoh ïa ka. Kumjuh ruh ïa ki riew rangbah kum u Bah Himalaya Shangpliang bad ruh ïa ki ophisar ka tnat ïalehkai kiba na ka por sha ka por ki ju ïarap ïa ki samla kiba don ki sap ha ki kam ïalehkai.
