Shillong, Lber 13
Ka lympung ïalehkai Inter Office Cum Corporate League T20 Cricket Tournament 2025 ba la pynïaid da ka East Khasi Hills Cricket Association ka la nangjam shaphrang ha kaba ka Telecom Combine bad ka Ribhoi Office Combine ki la ïoh jingjop.
Ha kane ka jingïakhun kaba la long ha Saitsoh-pen, Sohra, ka Telecom Combine ka la pynliem noh ïa ka MLP Sohra da 19 run. Ka Telecom Combine ynda kam trai ban tied nyngkong ka la ïoh 127 run bad shah pynhap 10 wiket ha ki 20 over. U Teibansuk Soh-khlet u la long kum nongtied ba ïoh bun da kaba kamai 18 run na ki 14 bol. Katba u Donkupar Lyngkhoi u la shim 5 wiket ha ki 4 over.
Haba wan beh ïa ka thong, ka MLP Sohra ka la ïoh tang 109 run bad shah pynhap 10 wiket ha ki 20 over. U A.E Marbaniang u la tied 20 run na ki 20 bol. Katba u Teibansuk Sohkhlet u la shim 4 wiket ha ki 4 over bad ban ïohpdiang ïa ka nam ‘Player of the Match’.
Haba phai sha kawei pat ka jingïakhun ba ar, ka Ribhoi Office Combine ka la jop da 89 run ïa ka SSA Shella Bholaganj. Ka Ribhoi Office Combine kaba la shimti ban tied nyngkong ka la ïoh 216 run bad shah pynhap 7 wiket ha ki 20 over. U Wansuklang Shullai u la long kum nongtied ba ïoh bun da kaba kamai 75 run na ki 35 bol. Katba u Badap Tynsong u la shim 3 wiket ha ki 4 over.
Haba wan shimti ïa ka pali ba ar, ka SSA Shella Bhologanj ka la ïoh tang 127 run bad shah pynhap 4 wiket ha ki 20 over. U Andy Kharkongor u la tied 45 run na ki 37 bol. Katba u Wansuklang Shullai u la shim 2 wiket ha ki 3 over bad ban ïohpdiang ruh ïa ka nam ‘Player of the Match’.
