Jowai, Lber 14
Ka West Jaiñtia Hills District Cricket Association (WJHDCA) ka la pynbna ba shen kan sa pynlong ïa ka lympung ïalehkai District Cricket League 2025.
Ka bai rung ka long T. 4500 kawei ka kynhun. Ka bai rung player ka long T.100 uwei bad bym dei ban duna ïa ka 15 ngut kawei ka kynhun.
Kane ka jingïalehkai District Cricket League ka dei ‘One Day Match’ bad yn pynïakhun 35 over.
Ka WJHDCA ka la pyntip ruh ba ka pdiang ïa kino-kino kiba kwah ban pynïasoh ne affiliate bad ka synjuk bad ka jingsiew ka long T. 1000 kawei ka kynhun, katba ka bai pynthymmai (renewal affiliation) ka long T.500 kawei ka kynhun.
Ka tarik khatduh ban pdiang ïa ka bai rung, registration bad kumjuh ka Affiliation ka long ha lane shwa ka 24 tarik Lber ha ka por 4.00 janmiet bad ka jingpynïakap ïa ki kynhun kan long ha kajuh hi ka sngi ha ka por 4.30 janmiet.
Ha kaba ïadei bad ka ïew ïadie-ïathied rangïalehkai (Inter team/club transfer) ka long ha ka dor T. 300 uwei u player bad ka tarik khatduh ka long 25 tarik Lber.
Na ka bynta ki jingtip kiba kham bniah lah ban phone ha kine ki number 9863043885, 7005602171, 8729912904, 7005217560.
