Shillong, Lber 16
Ka Khasi Jaiñtia Presbyterian (KJP) Synod Pdeng ka la ïoh ban pyllait paidbah ïa ka SPINE Network kaba dei kawei na ki jingtreikam jong ka Media Centre kaba la long ha ka sngi Saitjaiñ ka 15 tarik Lber 2025 ha jingïaseng Synod Pdeng kaba nyngkong ha Balang Presbyterian Umlyngka, Upper Shillong.
Ka kyntien SPINE ka dei ka jingpynïasoh lang ïa ki 5 tylli ki dak thoh S.P.I.N.E. kiba don ki kyntien kiba kit jingmut ha ka ktien phareng, Synod Pdeng Initiative to Nurture and Empower Network.
Ka SPINE Network ka dei ka Channel jong ka KJP Synod Pdeng ka ban pynmih ïa ki prokram bapher bapher ha ki rynsan ‘Social Media’ kiba kynthup ïa ki prokram ki ban ai jinghikai, ki ban ai mynsiem, ki ban pynkhlaiñ ïa ka jingngeit.
Kan long ka rynsan ba ki khun samla jong ka synod kin sei ïa la ki sap kyrpang kiba U Blei u la pynkup ha ki. Kan long ruh ka rynsan ban ïalap ïa U Jisu Khrist sha ka pyrthei bad ban pyndonburom ïa U Blei uba donbor baroh.
