Shillong, Lber 18
Ka Rangkynsai CC ka la pynliem noh ïa ka Raj Bhawan CC da 153 run na ka bynta ban ïoh jingjop ha ka Super Division Cricket League 2024-25 ha ka Sngi Ba-ar ha madan Polo.
Ha kane ka jingïakhun, ka Rangkynsai ka la shimti ban tied nyngkong ha kaba ka la ïoh haduh 311 run bad shah pynhap 10 wiket ha ki 45 over. Kane ka la wan lyngba ka jingïalehkai bha u Kishan Lyngdoh uba la ïoh 79 run na ki 71 bol bad u Pynhunlang Kharnarbi u la ïoh 58 run na ki 56 bol. Katba u Rohit Ram u la shim 3 wiket bad 2 wiket da u Pankaj.
Haba wan beh ïa ka thong ba la buh da ka liang pyrshah, ka Raj Bhawan ka la ïoh tang 158 run bad shah pynhap 10 wiket ha ki 33.4 over. Ïa ka nam ‘Player of the Match’ la ïohpdiang da u Adarsh Joshi uba la tied 34 run bad shim 3 wiket.
