Shillong, Lber 18
Ka Meghalaya Carrom Association (MCA) kan pynthymmai ïa ki nongkitkam jong ka synjuk da kaba kan pynlong ïa ka ilekshon ha ka 12 tarik u Ïaïong mynta u snem ka ban sdang naduh ka por 11 baje mynstep ha jaka treikam jong kane ka synjuk kaba don ha Jaïaw Laitdom Dorbar Indoor Stadium.
Ïa kane ka ilekshon yn wan ban pynïaid da ar ngut ki Umpire jong ka All India Carrom Federa-tion kata i Bah Riten Kma bad Bah A.K Majaw.
Katkum ka kyrwoh ba la pyllait da u General Secretary Bah F. Nongkynrih la ong ba na ka liang ka synjuk ka la pyntip sha baroh ki dkhot bad ki klob kiba la pynïasoh sha kane ka synjuk ba kin poi khnang-khnang ha katei ka sngi ba la buh khnang ban ïoh pyndep ïa kane ka kam kaba hakhmat bad kaba la dei katkum ka samoi treikam.
