Nongstoiñ, Lber 18
Ka Khliehmawlieh YC ka la bteng biang ïa ka jingjop ha ka Super Division jong ka NDSA Premier League Football Tournament 2024-25 ba la pynlong da ka Nongstoiñ District Sports Associa-tion, hadien ba ka la lah ban pynliem noh ïa Maw -ïong Pyndengrei da 2-1 kol ha ka Sngi Ba-ar ha madan New Nongstoiñ.
Wat la ka Khliehmaw-lieh YC ka la ïoh jingjop hynrei katei ka jingïalehkai hapdeng kitei ar tylli ki kynhun ka la long shisha kaba ïakhaid bha. Ka Khliehmawlieh YC ka la ïoh ban pynkhih jar nyngkong eh lyngba u Kyntiew Marthong ha ka minit kaba 36 bad 74. Hadien katto-katne por ka Mawïong Pyndengrei ka la lah ban pynphai kylla shi kol ha ka minit kaba 87 lyngba u Boneyfas Wanñiang.
Kumba ka long mynta ka Pyndengrei SCSC ka dang bat ïa ka kyrdan ba ha khlieh ha ka miej kheiñ point jong ka NDSA ha kaba na ki san sien ïakhun ka la ïoh 13 point, katba ka Mawlarshong SC ka la wan ha ka kyrdan ba ar ryngkat 12 point, nangta la bud sa ka Nongstoiñ FT (12 point).
Haba phai pat sha ka First Division, ka Nong -lwai II ka la pynliem noh ïa ka Jaidoh SC da 1-0 kol.
