Shillong, Lber 19
Ka Indian Premier League (IPL) 2025 kan sdang ha ka sngi Saitjaiñ ha Kol-kata ha kaba ka lahduh jong ka aïom ba la dep ka Kolkata Knight Riders (KKR) kan ïakhun pyrshah ïa ka Royal Chal-lengers Bengaluru (RCB) ha Eden Gardens.
Ha shwa ka jingïaleh-kai plie jong ka aïom mynta, la ïathuh ba yn rakhe ïa ka jingdap 18 snem jong kane lympung ïalehkai ha kaba ka Board of Control for Cricket in India (BCCI) ka thmu ban pynlong ïa ki jingïalehkai plie ba kyrpang ha kylleng jong 13 tylli ki jaka ïalehkai mynta u snem.
Katkum ki khubor la pynpaw da kaba ong, “Ka jingrakhe kan sdang da ka jingplie paidbah kaba heh ha kaba yn ïadon lang ki khlur ak phlim Bollywood bad ki ‘riew pawkhmat na ka kam rwai ha ka Eden Gardens ha Kolkata ha ka 22 tarik u Lber. Ka jingkmen kan bteng ha baroh kawei ka aïom ha kaba kawei pa kawei ka jaka kan sdang ïa ka jingïa-lehkai ba nyngkong jong ka da ka prokram kolshor kaba don ki nongrwai ba pawnam.”
“Ngi la kwah ban pyndap shuh shuh ïa ka jingitynnad ha kane ka lympung khnang ba ki nongpeitkai na kawei pa kawei ka jaka kin ïoh ban sakhi ïa ka jingplie jong kane ka jingïalehkai. Na ka bynta ki prokram kolshor ha kawei pa kawei ka jaka, ngi thmu ban thaw na ka bynta ban ailad ïa ki nongrwai na ka ri bad na ka thaiñ,” la ong ka tyllong khubor.
Ka nongrwai Shreya Ghosal bad ka puron Bollywood Disha Patani ki la thmu ban ïashim bynta ha ka sngi plie ha Kolkata ha kane ka sngi Saitjaiñ ryngkat ka jingdon lang ruh chairman ka ICC u Jay Shah.
Katkum ki jingïoh lum tip, la ong ba ka BCCI mynta ka don ha ka ‘kyrdan ba khatduh jong ki jingïakren’ bad katto-katne ngut kiwei pat ki nongrwai ba paw na ka bynta kiwei pat 12 tylli ki jingïalang.
“Ka jingmut ka long ban don ïa ki kynhun bapher bapher jong ki nongrwai Bollywood na ka bynta baroh ki pro-kram, bad da ka jingduna por hapdeng ki jingïalehkai, lah ban pynrung ïa ar ne lai ngut ki nongrwai na ka bynta kine ki jingïalehkai,” la ong ki khubor.
“Namar ba kane ka jia ha kum kane ka por ha ka sien kaba nyngkong, ki don katto-katne ki jingeh ha ka liang ka jingpynbiang ruh. Kumta ka BCCI bad ki synjuk ïaleh-kai jong ki Jylla bapher bapher ki ïatreilang ban pynthikna ba ki prokram kin ïaid beit khlem don kino-kino ki pynthut ïa ki jingïalehkai.”
Ki jingïakhun jong ka IPL 2025 ki long ha Delhi, Mumbai, Chennai, Kolkata, Bengaluru, Hyderabad, Jaipur, Ahmedabad, New Chandigarh, Dharamsala, Guwahati bad Visakhapat-nam naduh ka 22 tarik mynta u bnai haduh 25 tarik u Jymmang.
