ïasam mar shi point ka Lumpyngngad & Raj Bhawan

Ka Lumpyngngad SCC bad ka Raj Bhawan ki la ïasam mar shi point ha ka Super Division Shillong Cricket League 2024-25 ba la pynïaid da ka Shillong Cricket Association hadien ka jingïalehkai ka la shah...

Shillong, Lber 23

Ka Lumpyngngad SCC bad ka Raj Bhawan ki la ïasam mar shi point ha ka Super Division Shillong Cricket League 2024-25 ba la pynïaid da ka Shillong Cricket Association hadien ka jingïalehkai ka la shah pynthut noh ha u slap ba nyngkong uba la ther ha ka Sngi U Blei ha kane ka nongbah.

Kumba ka long mynta ka Rangkynsai ka dang dei ka kynhun kaba dang lamkhmat ha kane ka lympung ha kaba ka la ïoh 8 point na ki san sien ïakhun, ïa ka kyrdan ba-ar la bat da ka Lumpyngngad (5 point). Katba ka Sputnik, NFU bad ka Raj Bhavan ki la ïaryngkat mar 4 point bad ka United ka dang ïoh 3 point na ki san sien ïakhun.