Agartala, Lber:
Ki la don kumba 74 ngut ki briew kiba la shah kem halor ki kam runar ha ka Cyber ha Tripura ha kine ki lai snem ba ladep, ong ka kaiphot jong ka tnad ki kam pohïing ba la buh ha ka ïingdorbar ha ka Lah Sngi U Blei. Ha kine ki san snem, la buh jingthoh haduh 123 tylli ki kam runar ha ka Cyber, ha kaba khyndai tylli na kine la ujor hi da ki pulit.
Ïa ka kynhun ban khmih bniah halor ki kam sniew ba la mih na ka Cyber la sdang hapoh ka jingtreikam jong ka Crime Branch ha ka 12 tarik, Naiwieng, 2018. Ïa ki mukotduma ba kongsan ba la mudui ha ki thanat bapher bapher ha kylleng ka jylla la phah sha ka tnat ba dei khmih lyngba ka jingmynjur na u Director-General of Police.
Na ki 9,308 tylli ki jingujor ba la ïoh ha ki thanat ha kylleng ka jylla naduh u snem 2023 haduh u bnai Kyllalyngkot, 2025, la pyndep ïa ka jingtohkit ha ki 8,485 tylli.
