Shillong, Lber 26
Ka kynhun ïalehkai ka Jylla hapoh ka lama jong ka All Meghalaya Karate-Do Associa-tion (AMKA) ka la mih na ka nongbah ban leit shim bynta ha ka Karate India Organisation’s U-21 & Senior National Championship 2025 ka ban sdang mynta ka Sngi Palei ha Hyderabad.
Kane ka lympung ïalehkai ka ban neh lai sngi kynthih kan long ha Kachibowli Indoor Stadium bad yn pynkut ïa ka ha ka Sngi Saitjaiñ.
Ïa kane ka kynhun ïalehkai kaba don 15 ngut ki nongïalehkai, la ïalam da u coach Bah Don-boklang Lyngdoh bad manager Bah Rodrick Syiem.
Ki kyrteng ki nongïalehkai ki kynthup ïa ka Kynjailin L. Mawnai (U-21 Women -50kg), Carene Sohiong (U-21 Women -55kg), Ram Lanong (U-21 Men -55kg), Gideon Tympuiñ (U-21 Men -60kg and Men Team Kata), Kynpham Kharkongor (U-21 Men -67kg), Rebeka Nongspung (Senior Women -50kg), Larisha Kurbah (Senior Women -55kg), Barisha Kharbani (Senior Women -61kg), Nangkitbok Phira (Senior Men -50kg), Cheltis Shylla (Senior Men -55kg), Paul Danny Kharmudai (Senior Men -60kg), Gary Daniel L Mawlong (Senior Men -67kg), Ïalamphang Kharkongor (Senior Men -75kg), Ferdinand Samkupar Rani (Men Team Kata) bad u Gregorwilson Makdoh (Men Team Kata).
Te kumta na ka liang ka AMKA ka la ai khublei kitbok kitrwiang ïa kane ka kynhun ba kan ïalehkai bha ha katei ka lympung khnang ba kan lah ban khur takma bad ban wanrah nam bad burom ïa ka Jylla hi baroh kawei.
