Shillong, Lber 28
Ka jingïalehkai jong ka lympung Shillong Cricket League Super Division 2024-25 ha ka Sngi Thohdieng ka la long hapdeng ka Nongmensong CC pyrshah ïa ka Sputnik CC.
Ha ka jingkynting pisa ka Nongmensong CC ka la jop bad kam trai shwa ban tied nyngkong ha kaba ka la ïoh 212 run bad hap 7 wiket ha ki 45 over. Ki nongtied kiba kham lah ban lehkai bha ki long u Jaskirat uba la ïoh 50 run bad u Raghav 30 run. Katba na ka liang ki nongkawang bol, u Gurinder Singh u la shim 3 wiket bad u Md Nafees Siddique 2 wiket.
Ha ka pali ban wan beh ïa ka thong, ka Sputnik CC ka la ïoh 216 run ha ki 43.2 over. U Arien Bonchang u la ïoh 61 run bad u Swarajeet Das 44 run kiba la long napdeng ki nongtied kiba kham kongsan kiba la lah ruh ban pynïoh jingjop shisyndon ïa ka kynhun. Katba ki nongkawang bol ka liang pyrshah dei tang u Anish Charak bad u Hinam kiba la shim mar 2 wiket.
Kumta ha kaba kut ka Sputnik CC ka la jop da 2 wiket bad ïa nam ‘Player of the Match’ la ïohpdiang da u Gurinder Singh uba la ïoh 6 run bad ruh ban shim 3 wiket.
