Jowai, Lber 28
U Wailaddameshuwa Siangshai, MDC ka Musniang-Rangad, u la jop suk ïa ka shuki Deputy Chairman jong ka Jaiñtia Hills Autonomous District Council (JHADC) ha ka ilekshon kaba long ha ka 28 tarik Lber kaba dei artad ka sngi khatduh jong ka Dorbar Mang Tyngka ka JHADC.
Kane ka la wan hadien ba ym shym la don mano-mano ba thep kyrteng.
U Chairman ka JHADC, Dr. Sankey Shangpung u la pynbna ba u Wailaddameshuwa u la jop suk ïa kane ka shuki namar ba ym don mano-mano ba thep kyrteng.
Ïa ka kyrteng u Wailaddameshuwa la tyrwa da u Bah Moonlight Pariat bad u Bah Mihnyngkong Sutnga, kawei pat ka ‘nomination’ la tyrwa da u Bah Krison Langstang bad u Bah Reforming Lamare.
