New Delhi, Lber:
Katkum ki khubor, la ong ba ka India ka la long ka ri kaba nyngkong eh ban kner ia ki lad jingïarap sha ka ri Myanmar hadien ba katei ka ri ka la shah lynshop ha u jumai-bah uba khlaiñ haduh 7.2 Magnitude ha ka Sngi Thohdieng.
Kumta la ong ba ka India ha ka Sngi Saitjaiñ ka la phah ia kumba 15 Ton ki mar bam bad kiwei de ki jingdonkam ba kongsan ban pynpoi sha ki paidbah nongshong shnong jong katei ka ri, kiba la shah ktah jur na ka jinglynshop jong utei u jumai ha katei ka sngi.
Ki bor pyniaid ka India ki la iathuh ba kane ka long tang ka sien phah jingïarap kaba sdang bad ka ban nang iai bteng ban phah ia ki lad jingïarap sha katei ka ri katkum ki jingdonkam jong ki paidbah.
