Shillong, Lber 31
Ka Riatsamthiah Sports & Cultural Club ka la ïoh ïa ki nongkitkam bathymmai ki ban bah bad kit ïa ka lyngkor ban pynïaid ïa ki kam ki jam ha ki prokram ïalehkai bapher bapher jong kane ka klob.
Te kumta ha kane ka sngi la thung President ïa u Bah Jonathan Suchiang, General Secretary Bah Manbha Marbaniang lem bad phra ngut ki dkhot. Na ka liang u Rangbah Shnong, Bah M. Kharkrang, u la kyntu ïa kitei ki nongkitkam kiba thymmai ba ki dei ban pynshlur ïa ki khynnah ki samla jong katei ka thaiñ ban shim bynta ha ka jingïalehkai kum ka jingsngewtynnad kaba lah ban khanglad ïa ki ban rung sha ki jingmlien kiba sniew kiba lah ban pynlong ban shah ïalam bakla.
