Guwahati, Lber:
Ki pulit jong ka Bengaluru ki la kem ïa arngut ki briew na Tripura halor ka jingkynnoh ba ki don bynta ha ka jingkhaii drok, ha kaba ki la ïoh kurup 11 kilo u Ganja, la ïathuh ki heh pulit.
La kem ïa kine ki runar hajan Somasundarapalya, ha ka thaiñ Bandepalya, kaba don ha ka bynta ba shaphang Shathie-Mihngi jong ka Bengaluru, ha ka janmiet jong ka sngi Saitjaiñ. Ha ka jingtohkit, la lap ba kitei ar ngut kiba trei ha kawei ka kompeni shimet kaba don ha ka bynta Shathie Mihngi jong ka Bengaluru, ki dei kiba la kynnoh ba ki shalan tuh ïa u Ganja na ka shnong trai jong ki, lyngba ka rel bad ka bos.
La ïathuh ba ki la thied ïa kitei ki drok ha ka dor kaba rem ha Tripura bad ki la die ïa ki ha ka jingmyntoi kaba kham heh bha ha Bengaluru, da kaba pynïaid ïa ka kam khaïi drok kum ka ald kamai. Kine kiba la shah kynnoh ki la shah pynngat hapoh ka Narcotic Drugs and Psychotropic Substances (NDPS) Act.
