Shillong, Ïaïong 01
Ka kynhun ïalehkai ka Jylla hapoh ka lama jong ka All Meghalaya Karate – Do Association (AMKA) ka la khur ïa ki takma rnong ha ka U-21/Senior National Karate Championship 2025 ba la pynïaid da ka Karate India Organisation ha Gachibowli Indoor Stadium naduh 27 haduh 29 tarik u Lber mynta u snem.
Ha katei ka lympung ka Kynjailin L. Mawnai ha ka U-21 Women -50 Kg bad ka Larisha Kurbah ha Senior Women – 55 Kg ki la khur ïa ki takma rnong. Ïa kawei pat ka takma rnong la khur da ka kynhun ki rangïalehkai ha ka Team Kata lyngba u Gideon Tympuiñ, Ferdinand Samkupar Rani bad u Gregorwilson Makdoh.
Ha katei ka jingleit shim bynta, ka AMKA ka la phah haduh 15 ngut ki nongïalehkai hapoh ka jingïalang jong u coach Bah Donboklang Lyngdoh lem bad u Bah Rodrick Syiem.
Te kumta na ka liang ka synjuk lyng-ba u General Secretary Bah Ksan Kupar Warjri u la ai khublei ïa katei ka kynhun kaba la lah ban ïalehkai bha bad ban khur takma na ka bynta ka Jylla hi baroh kawei.
