Shillong, Ïaïong 01
Ki runar bym lah ban ithuh ki la tuh ïa ki tiar ki tar kiba shongdor palat lak tyngka na ka jaka ba la pyntrei ïa ka surok Smart City kaba don ha Lower Lachumiere, Shillong.
Ha kaba ïadei bad kane ka jingshah tuh, u Bah Ngaitlang Dhar u la ai da ka jingujor sha ki pulit ba ha ka 29 tarik mynshem bnai, la lap ba ki runar bym lah ban ithuh, ki la tuh haduh khatwei tylli ki ‘manholes’ bad kawei ka jingtap kaba heh ‘large cover’ kiba shongdor haduh kumba T.1.22 lak na Smart City Road kaba dang shu tei thymmai ha Lower Lachumiere, Shillong.
