Jowai, Ïaïong 03
Ka West Jaiñtia Police CC ka la pynliem ïa ka Lion Sports & Youth Affair da 6 wiket ha ka District Cricket League ba la pynïaid da ka West Jaiñtia Hills District Cricket Association (WJHDCA) ha ka sngi Palei.
Ha kane ka jingïakhun dei ka Lion Sports & Youth Affair kaba la jop kynting pisa bad kam trai shwa ban tied nyngkong ha kaba ka la ïoh 151 run bad shah pynhap 9 wiket na ki 35 over. Haba wan shimti ïa ka pali kaba ar, ka West Jaiñtia Police CC ka la lah ban kynjoh sha ka thong da kaba ïoh 155 run bad shah pynhap 4 wiket na ki 27.3 over. Ïa ka nam Man of the Match la ïohpdiang da u Devention Lyngdoh jong ka West Jaiñtia Police uba la tied 39 run bad shim 1 wiket ha ki 7 over.
