Nongstoiñ, Ïaïong 03
Ka Mawkawah SC ka la ïoh jingjop ha ka Super Division (NDSA Premier League Football Tournament 2024-25) hadien ba ka la pynliem noh ïa ka Mawlarshong SC da 4-3 kol ha ka sngi Palei ha madan New Nongstoiñ.
Kane ka nam jop jong ka Mawkawah SC ka la wan urlong lyngba ka hat-trick ba la khur da u Armarly Nongbri uba la thep saw kol (28, 45, 81 & 92). Katba ïa ki kol jong ka Mawlarshong la thep da u Shaipharlin Nongsiej (55 & 60) bad u Wantiplang Syiem (80).
Haba phai pat sha ka First Division, ka Mawkhlam SC ka la jop da 3-2 kol ïa ka New Nongstoiñ kaba la long ha madan New Nongstoiñ.
