Shillong, Ïaïong 04
U bodyguard jong u Lionel Messi, Yassine Cheuko u la shah khang ha ka por ba ïalehkai ka Inter Miami ban don hapoh madan.
U Cheuko, uba la long u nongïada shimet jong u Messi pyrshah ïa ki nongwan tur sha madan ha ki por ba ïalehkai, mynta un hap ban shong tang ha ka kamra khreh bad ki jaka ïalehkai kilanmet.
“Kim ailad shuh ïa nga ban don ha madan. Nga la don ha Europe haduh hynñiew snem, nga la trei na ka bynta ka Ligue 1 bad ka Champions League, bad tang hynriew ngut ki briew ki la hiar sha ka madan,” la pynpaw u Cheuko.
“Nga la wan sha USA bad tang hapoh 20 bnai, 16 ngut ki briew ki la dep ban leh kumta. Ka don ka jingeh kaba khraw hangne, to shah ba ngan ïarap ïa u Messi.”
Utei u US Navy SEAL barim u la shakri kum u nongap pahara jong u Messi naduh ba utei u khlur ïalehkai ka Argentina u la khur haduh phra sien ïa ka Ballon d’Or, u la leit sha ka Paris St-Germain. “Nga ieid ïa ka MLS bad ka Concacaf, hynrei ngi hap ban ïatreilang. Nga ieid ban ïarap. Ngam long uba kham bha ban ïa kiwei, hynrei nga don ka jingshemphang kaba bun ha Europe,” u la bynrap.
“Ka long kaba biang, nga sngewthuh ïa ka rai jong ki, hynrei nga pyrkhat ba ngi lah ban leh kham bha”, la bynrap biang u Cheuko.
Katkum ki khubor la ong ba ïa kane ka rai la shim da ka klob phutbol ka Inter Miami ym da ka MLS. Hynrei haduh mynta ym pat don kano-kano ka jingpynthikna kaba shai.
