Papua New Guinea, Iaiong:
U jumai ba 6.9 Magnitude u la pynkhynñiuh ia ka thaiñ rud duriaw jong ka Papua New Guinea ha ka step jong ka Sngi Saitjaiñ ha kaba ka tnat United States Geological Survey (USGS) ka la ong ba utei u jumai u dei uba la kham khlaiñ bor bad uba la pynkhynñiuh tyngeh ia katei ka thaiñ ha katei ka step.
Utei u jumai u la don kumba 10 Kilometre ka jingjylliew, ha kaba la khmih lynti ruh ba kan don ka ‘erlangthari bad ki jingat phyllung kiba jur kaba 1 metre haduh 3 metre ka jingkhlaiñ.
La ong ba utei u jumai u la khynñiuh ha ka por kumba 6:04 baje mynstep, kumba 194 Kilometre na ka phang Shathie-mihngi jong ka shnong Kimbe ba hajan eh jong katei ka thaiñ.
Ha katei ka sngi, la sakhi ruh sa uwei pat u jumai uba tang kumba 5.3 Magnitude ka jingkhlaiñ uba la pynkhynñiuh biang hadien kumba 30 minit jong utei u jumai uba nyngkong.
