Shillong, Ïaïong 06
Ka Mawshbuit Invitational Boxing Competition 2025 ka la poi sha kaba kut ha ka sngi Saitjaiñ ha madan Dong Nongpdeng kaba ha ka shnong Mawshbuit ha kaba ka Boxing Association of East Khasi Hills District ka la long la lahduh.
Ha kane ka lympung ïakura, ka East Khasi Hills District ka la khur haduh 25 tylli ki takma kiba kynthup ïa 9 ki ksiar, 4 ki rupa lem bad 12 ki rnong. Ka Mawshbuit Boxing Club ka la wan ha ka kyrdan ba-ar da kaba khur 17 tylli ki takma (4 ksiar, 7 rupa bad 6 rnong). Ï aka kyrdan balai la khur da ka Upper Shillong Boxing Association kaba la khur 9 tylli ki takma (4 ksiar, 4 rupa bad 1 rnong).
Ka Green Heart Boxing Club ka la wan ha ka kyrdan basaw da kaba khur 11 tylli ki takma (3 ksiar, 4 rupa bad 4 rnong). Katba ïa ka kyrdan ba san la khur da ka Rising Star Boxing Association kaba la ïoh 10 tylli ki takma (3 ksiar, 4 rupa bad 3 ki rnong).
Ha katei ka sngi pynhap pyrda la ïadon lang u MLA ka 13- Mawryngkneng constituency u Bah Heavingstone Kharpran kum u kongsan, ha ryngkat ka jingdon lang u MDC ka 6- Sohryngkham Constituency u Bah Bill Clinton Wankhar, kumjuh u Bah Larry kharpran, Joint Secretary ka Boxing Federation of India bad Technical Director ka Meghalaya Boxing India nalor kiwei pat.
