Ka Ri India watla ka long ka ri kaba don bun jait ki kynhun jaitbynriew bapher bapher, ka don bun jait ki jait ktien bapher bapher, ka don bun jait ki jait niam bapher bapher kaba pynlong tylli ïa kawei ka ri India kaba khraw. Kumta ka jingwanrah ka sorkar NDA ban pynlong kawei ka ri kawei ka elekshon bad ha kajuh ka por yn pynlong elekshon lang ïa ka parliamentary elekshon bad ka State Legislative Assembly ka long ka jingthmu kaba kongsan tam ha ka history ka ri synshar paidbah kaba khraw.
Ka donkam eh ka jingïatylli hapoh ka ri wat la ngi don bun jait ki kynhun niam, bun jait ki jait ktien ba ngi kren, bun jait ki jaitbynriew ba ïapher ha ka rukom im kaba man ka sngi. Hynrei ka jingwanrah ïa kane ka mat kawei ka ri, kawei ka elekshon ka long ka jingkyrkhu kaba khraw tam na ka bynta ka lawei ka ri bad ka jaitbynriew khnang ban ym pait ym pra bad ban ïa long tylli mlon kum kawei ka ri India kaba ïar. Kane ka long ka jing -iohi kaba wan ha nga kum u riew paidbah na ka bynta ka lawei ka Ri India baieit eh jongnga jongphi.
C. B. Iawphniaw
