Shillong, Ïaïong 10
Ka Meghalaya Cricket Association (MCA) ka la pyllait ïa ka thup kyrteng jong 21 ngut ki nongïalehkai ban leit sha ka prokram jied kaba khatduh (final selection-cum-preparation camp) ka ban sdang naduh ka 12 haduh ka 18 tarik mynta u bnai, na ka bynta ban mihkhmat ïa ka Jylla ha ka 1st North East Little Master’s Trophy 2025, ka ban long ha Guwahati naduh ka 19 tarik mynta u bnai.
Kane ka lympung ka dei na ka bynta ki khynnah shynrang Under-14 bad ka Meghalaya Camp kan long ha Nongkhrah, Ri-Bhoi. Kine ki khynnah ïalehkai ki la shah jied lyngba ka ‘preliminary trials’ kaba la long ha Shillong bad Tura naduh ka 8 haduh ka 10 tarik mynta u bnai.
Baroh ki nongïalehkai ba la jied bad ki nongai jinghikai kin leit sha Nongkhrah ha ka sngi Thohdieng (11 tarik). Ki nongïalehkai bad ki nongai jinghikai na Khasi-Jaiñtia Hills kin leit sha madan Polo ha Shillong ha ka 11 tarik ha ka por 1:30 mynsngi, katba ki nongïalehkai na Garo Hills kin wan beit sha Nongkhrah ha ka tarik ba la kdew. Nangta baroh ki nongïalehkai kiba la shah jied ki dei ban ai ïa ka kopi jong ka syrnot sngikha, ka kopi jong ka Aadhaar card bad ki ‘marksheet’ kumba lai snem sha ka shlem treikam jong ka MCA ha lane shwa ka 12 tarik mynta u bnai.
Ki kyrteng jong ki khynnah ïalehkai ki long u Sahil R Marak, Rimsrukang Ch Momin, Steve Rayan R Marak, Anurup Paul, Janggo K Marak, Tuesdream Rabha, Donsrang Chubat Sangma, Teibankhraw Mukhim, Calvin P Syngkli, Subot Kapri, Melvin Basil Warjri, Aditya Singh, Abhinav Khanal, Ashwin Shah, Jagrit Thakur, Aryan Sunar, Ayush Sangma, Abdulla Pathaw, Ïaisanbha Khongji, Bansan Shaphrang Kynter bad u Mebanlambha Lyngshiang.
Ki coach ki kynthup ïa u Synrapsing Riatham (head coach), Eugene K. Kharsyntiew (assistant coach), Hamboy Langbang (physio), Skhembor Khongbtep (trainer) & Prewindson Sangma (manager).
