Jowai, Ïaïong 11
Ka lympung ïalehkai badminton ba la tip kum ka 18th Inter School Badminton Championship ba la pynïaid da ka West Jaiñtia District Badminton Association (WJDBA) ha Kiang Nangbah Indoor Hall Stadium Jowai kaba la sdang ha ka 8 tarik Ïaïong ka la poi noh sha kaba kut ha ka 11 tarik Ïaïong.
Haduh 143 ngut ki khynnah na 13 tylli ki skul kiba don ha Jowai, Shangpung bad ki skul marjan bad ka sor Jowai ki la wan ïashim bynta ha kane ka lympung kaba don haduh 115 tylli ki jingïakhun na ka bynta ka kyrdan Under-13, 15, bad 17 Singles bad Doubles.
Haba phai sha jingïalehkai final, ha ka jingïakhun para marwei jong ka kyrdan Under-13 Boys, u Ewanmi L. Sutong u la pynliem ïa u Emmanuel Bando da 13-21, 22-20, 15-21 baroh ar ngut ki dei na Adventist Higher Secondary School.
Ha ka jingïakhun Doubles Boys Under-13, u Ewanmi L. Sutong bad Jingjang R. Sangma ki la wan ba nyngkong da kaba pynliem ïa u Rasangliana Kawlni bad Emmanuel Bando da 21-19,19-21, 21-18, baroh ki dei na Adventist Higher Secondary School.
Ha ka kyrdan Under-15 Girls Single ka Rosangzuali Kawlni na Adventist Higher Secondary School ka la wan ba nyngkong bad ka Dayana Shullet na Dollini Secondary School ka la wan ba ar (18-21,13-21).
Ha ka jingïakhun Under-15 Boys Doubles, u Thangpei Zimik bad Stephen Wakambam ki la wan ba nyngkong, katba u Rikerlang Lamare bad Jonathan Chris Bhaggien ki la wan ba ar (13-21,17-21). Baroh ar ki dei na Adventist HSS.
Ha ka Under-15 Boys Single, u Dathrang I. Langstang na Clear Water Secondary u la wan ba nyngkong, katba u Deimonmi Shadap na Khadar-nor UP School u la wan ba ar (17-21, 30-29,10-21).
Ha ka Under-17 Girls Single ka Dana Angelika Phyllei na KJP Higher Sec School ka la wan ba nyngkong, katba ka Catherine Wakambam Daimari na Adventist HSS ka la wan ba ar (21-18, 16-21, 10-21).
Ha ka Under-17 Girls Double, ka Catherine Wakambam bad Rosangzuali Kawlni na Adventist HSS ki la wan ba nyngkong, katba ka Daphika Ryngkhlem bad Shida Phawa na Jowai Poblic School ki la wan ba ar (10-21, 11-21).
Ha ka Under-17 Boys Double’s u Lechan Suchiang bad Dapmon Papang na Lummuroo Sec School ki la wan ba nyngkong, katba u Thangpei Zemik bad Stephen Wakambam na Adventist HSS ki la wan ba ar (10-21, 17-21).
Ha ka kyrdan Under-17 Boys Single’s u Lechan Suchiang u la wan ba nyngkong bad u Dapmon Papang u la wan ba ar (15-21, 17-21). Baroh ar ki dei na Lummuroo Sec School.
Ïa ki khusnam sha ki nongjop la sam da u president ka WJDBA Ma Dawanroi Pyrbot, ha ka jingdonlang ki dkhot ka WJDBA ki nonghikai bad ki khynnah skul.
