Jowai, Ïaïong 11
Ki kynthei bar-jylla kiba shong dukan ha Lumshnong ha ka lynti ban leit sha Lad Brishyrnot, East Jaiñtia Hills District ki la pyni bor bad beh ïa kawei ka longkmie trai jylla kaba die jingdie lyngba ka surokbah National Highway-6.
Kane ka la jia ha ka 11 tarik Ïaïong ha ka por 11.00 baje mynstep.
Ka longkmie trai jylla haba ka pyntip ïa kane ka jingjia, ka la ïathuh ba ki don kumba 8 haduh 9 ngut ki longkmie trai jylla kiba wan ban die sha die kwai dong ïa ki kali kiba shah bat ha lynter ka surokbah NH-6 namar ba dang ïaid ka jingshna ïa ka surokbah.
Katei ka longkmie ka la ong ba ki khlem leit ban die jingdie ha dukan jong kitei ki bar jylla hynrei ki die ïa ki kali kiba ïeng ha surok, hynrei kitei ki kynthei bar jylla ki hylla bad beh ïa ki ban ym wan die jingdie hakhmat ka dukan ka jong ki namar ka pynduh nong ïa ki.
Halor kane ka jingleh donbor ki bar jylla, ka la pynbitar lep ïa ka MDC ka VPP na Narpuh, ka Kong Deiwipaïa Tongper kaba la hiar sha katei ka jaka ryngkat ka jingsynrang ki dkhot ka KSU Narpuh Circle.
Ka Kong Deiwi ka la byrthen ïa kitei ki bar jylla ba kim dei ban leh baheh bad ha kajuh ka por ka la pan ïa ka ‘trading’ laisen bad kitei ki bar jylla kim don satia.
