Shillong, Ïaïong 13
Uwei u samla uba dang 26 snem ka rta ba la tip kyrteng kum u Rahul u la jah naduh ka 12 tarik mynta u bnai na Laitkor Assam Rifles Camp.
Katkum ka khubor, la ong ba une u samla u dei uba don jingduna ha ka bor pyrkhat. U dei u khun jong u Hav. Naveen na Assam Rifles bad u la jah naduh ka por 12 baje mynsngi bad la ong ba la ïohi khatduh ïa u habar ka Gate No 1, Laitkor Assam Rifles camp.
Kumta na ka liang ki bahaïing bahasem jong u ki dap da ka jingkhuslai katta-katta bad namar kata lada don mano-mano ba ïohi ïa u ne don jingtip eiei hangno u don, sngewbha ban ai jingtip mardor da kaba phone ha kine ki number Hav Naveen (Kpa) 6207200331, Assistant Comdt Pradipta Sahoo 8249098051. Ki bahaïing kin dap da ka jingsngewnguh na ka bynta kano-kano ka jingïarap ha kane ka jingjia.
