Imphal, ïaïong:
Ki kynhun pahara ha ryngkat ki pulit, ki la ïoh ban kurup ïa ki tiar siat ba bun ha Manipur. Kine ki kynhun ba la ïatreilang ki kynthup ïa ka kynhun jong ka tnat shipai Assam Rifles, ki Border Security Forces bad ki pulit jong ka Manipur ha ka sngi Saitjaiñ ha ki bynta jong ki distrik khappud jong ka Churachandpur bad Tengnoupal ryngkat bad u pud u sam jong ka Myanmar ba Shaphang Shathie.
Ha ka jingkhynra ba man ka por bad ka jingsynshar ïa ki jaka ba la pynlong da ka kynhun ba ïatreilang ha ki jaka ba marjan bad ba rit paid jong ka Changpikot, Siden, H. Kotlia, bad u lum Dampi ha ka Elaka Churachandpur, la ïoh kurup lai tylli ki bom pumpi.
Ym shym la don ba kem namar ki lehnoh pyrshah imlang-sahlang ki la lah ban phet krad noh na katei ka jaka haba ki ïohi ïa ki bor pahara ka ri India kiba wan shajan. Ha kawei pat ka jingkhynra ha General Area Border Pillar 87 hajan Yangoupokpi kaba hap hapoh thanad Tengnoupal ha Tengnoupal District, la ïoh kurup ïa kine ki tiar harum.
Ar tylli ki Magazine INSAS, kawei ka Magazine AK, sawphew tylli ki kuli INSAS 5.56 mm, laiphew tylli ki kuli AK 7.62 mm, 6 tylli ki kuli Lathode, 12 tylli ki kuli ba la siat 7.62 mm, lai tylli ki Electric Detonator, kawei ka TNT Slab, kawei ka Backpack, kawei ka Uniform kawei, kawei ka Uniform ki juti.
Ka khubor ka la bynrap ba ïa ki tiar ba la lap la aiti noh hadien sha ki thanat ba dei peit na ka bynta ban leh ïa kaba donkam katkum ki kyndon aiñ.
