Washington, Iaiong:
U nongsumar jong ka White House, ha ka Sngi U Blei, u la pyntip ba u President ka US Donald Trump u don hapdeng ka met kaba shait bad khlaiñ bha bad ba u lah ban bteng ia ki kam ki jam baroh ha ka rukom kaba dei. U Trump uba la don 78 snem ka rta bad u la ju pynpaw ia ka jingsngew khlaiñ jong u ba un dang lah ban shakri ia u paidbah sa shisien pat ha kane ka samoi treikam. U Trump u ju kren beiñ ruh ia u President barim ka US- u Joe Biden halor ka rta jong u namar ba u la don 82 snem ka rta bad u Trump u ju pynksan ba ka rta jong u Biden kam long shuh kaba biang ban ialam bad shakri ia u paidbah bad un don shibun ki jingthut namar u la dei ban shongthait bad ban im suk noh ha kine ki sngi ka jinglong tymmen jong u. U Trump u la iathuh ruh ha ki nong -thoh khubor ha katei ka sngi, ba u sngewthuh ia-lade ba u don hapdeng ka met kaba shait bad khlaiñ, hadien ba u la dep ban phah peitbniah.
